Sumita Brow Highlighter قلم اضاءة الحواجب من سميتا

اهلاحبيباتي

جيتكم اليوم بموضوع جديد على المدونة اللي غدي يكون عبارة عن ريفيو على منتج كنت توصلت بيه فالبوكس اللي كنت خديت ديال بلومينغبوكس واللي كنتو شفتوه هنا.

المنتج هو عبارة عن قلم اضاءة للحواجب من ماركة سميتا.

اول مرة كنجرب هاد الماركه واللي هي فالاساس سلسلة محلات خاصه بازاله الحواجب بالخيط "راكم عارفين هاد التقنيه"
ومن الماركه توسعت وبدات بانتاج سلسلة منتجات خاصه بالحواجب بحال الاضاءة واقلام وغيره وعندهم كذلك منتجات لمكياج العيون.
كيفما كتشوفو التعليب ديال المنتج زوين بزاف لونه ذهبي برسمات جميلة جدا

القلم من المفروض انه كيدير اضاءة حول الحاجب,كديريه من التحت ومن لفوق وكدمجيه شوية,المنتج جاي على شكل قلم وبالتالي  سهل الاستخدام,اللون ابيض وفيه لمعات صغيرة زوينه.

ولكن المنتج صعب الدمج تحت الحاجب,ضروري تستخدمي اصابعك حيث صعب الدمج باي فرشه لان الماده تقريبا شمعيه.
انا مكنحيدش حواجبي هدشي علاش كنحتاج ندمج شوية اللون باش كيجي زوين,وكنعتقد ايلا كانوالحواجب مقادين مغتحتاجي تدمجيه فقط اضاءة وغتجي زوينه بزاف.

انا مكنستعملوش بزاف للحواجب وخصوصا منين كنكون معنديش وقت,ولكن كنستعملو فالجفن السفلي ديال العين كيجي زوين بزاف كيكبر العين وكيعطي مظهر زوين,كنستخدمه كذلك فالطرف الداخلي للعين كيفتح العين.

المهم عموما كيجيني استعماله كقلم كحل احسن بكثير منه كاضاءة للحواجب "عندي عقدة الحواجب ههه",كنستعمله كذلك كاضاءة فوق عضمة الخد وكيجي زوين.

المنتج زوين ومتعدد الاستعمالاات .

بالنسبة للسعر ديالو:220درهم

نتمنى موضوعي يكون اعجبكم

قولولي انتم واش سبق وجربتو اي منتج من سوميتا؟