Saturday, July 29, 2017

Mes Favoris - مفضلاتي بالفترة الاخيرة

السلام عليم ورحمة الله وبركاته

توحشتكم بنات وتوحشت المدونه
اليوم رجعتي غتكون بمفضلاتي بالفترة الاخيرة
وهذا جزء الاول فقط



  نبدا باول منتج من ديرموفيفا اللي هو مقشر للوجه بمستخلصات شجرة الشاي,بذور العنب والليمون الاخضر
المنتج يعجبني نستعملو حيث كنحس باللي يزيل الزيوت اللي فالبشرة بدون ما تحسي ان البشرة ديالك رجعات جافه بزاف
بالعكس كتبقا مرطبه وخاليه من الدهون


معطر للجسم من Body fantasies
برائحه الفانيليا اللي تعجبني بزاف
العطر كيدوم لمده معقوله وبالمقارنه مع السعر ديالو نفضل نشريه بدل الماركات الغاليه واللي الثبات ديالهم قليل



سبراي للشعر من Macadamia
توصلت بيه هنا
هو عبارة عن ملين للشعر بدون غسل,عجبني بزاااف حيث انا شعري الزغبه رقيقه 
وكيتعقد بسرعه ولكن بمجرد ما كنستعمل هاد السبراي كيتفك بسهوله
و ريحته اللي زوينه بزاف وكتبقا بحال ايلا عطرتي شعرك.


هاد المنتجين انقدو حياتي بالفترة الاخيره
استعملت كريم عملي ثورة حبوب فوجهي ههه
وهاد المنتجين كانو هما الحل
اول منتج Effaclar duo +اللي كيتستعمل فوق اي حبه فالوجه وكينشفها فاسرع وقت بلا ما تخلي اثر فالوجه.
المنتج الثاني هو غسول للوجه خالي من البرابين واقل ما يقال عنه رائع للناس اللي بشرتهم ذهنيه او مختلطه.



نجيو للمكياج واول منتج اللي هو احمر شفاه matte من جوردانا
لونهرزوين بزاف صيفي ومناسب لهاد الفترة من السنه
سبقلي وتكلمت عليه هنا


من جوردانا كذلك هاد المسكارا اللي كتعطي رموش طويله ومعقوفه لفوق
لونها اسود قاتم,عجبتني الفرشه ديالها بزاف الفرشه كبيرة وزوينه
يمكن العيب اللي نقول فيها انها اللي بقات فعينك لفترة طويلة كتبدا كتفرتت كتلقاي نقط صغيرة تحت عينك.


عطري اللي استعملته بالفترهاللي فاتت
مغنعرفش نشرحلكم الريحه 


لهنا موضوعي انتهى نتمنى يكون اعجبكم
الى اللقاء

Monday, May 15, 2017

[REVUE]Jordana Sweet Matte-أحمر الشفاه من جوردانا

*


السلام عليكم حبيباتي
اليوم غنتكلم لكم على احمر الشفاه من ماركة جوردانا
كنت توصلت بلونين من الماركه لون فاتح ولون غامق

نبدا باول حاجه هو شكلهم, عباره على علبه صغيره الغطاء او الفرشه لونها اسود
العلبه من الاسفل شفافه والكتابه باللون الابيض
الشفافيه كتمكنا من رؤيه اللون ديال احمر الشفاه



كيفما كتشوفو فالصوره اللون الاول اللي عندي هوStrawberry cheesecake
جاي لون وردي كوراي زوين بزاف ومناسب لفصل الربيع والصيف
اما اللون الثاني هو Sweet marsala wine
لون احمر غامق بورجندي زوين بزاف مناسب خصوصا لفصل الشتاء
طبعا عرفتو باللي لوني المفصل هو الفاتح ههه



الفرشه ديالهم كيفما كتشوفوها فالصوره كتجي مقوسه من الفوق وفيها بحال شعيرات صغيره,سهله الاستخدام وكتهز كميه كافيه من المنتوج.
الماده بحد داتها سائله و كتبان من تمريره وحده على الشفاه, تقدري تستخديها على الشفاه بدون مرطب بالنسبالي منشفوش ليا الشفاه ديالي.
 تاخد تقريبا 2 دقائق لتجف كليا وهدشي بالنسبالي نقطه ايجابيه حيث كتمكنك من انكي تعدلي وتزيدي لمسات الاخيره قبل ما تجف الماده كليا وترجع matte
بالنسبه لي عجبني الثبات ديالهم كيبقاو فترة زوينه ولكن مع الاكل كيبدا اللون يتمسح من الشفاه خصوصا من الجهه الداخليه.




الثمن ديالهم رخيص بالمقارنه مع الجوده ديالهم
تقدرو تلقاوهم ف virgine megastore او عند les parfumeries

نتمنى الموضوع يكون اعجبكم
نتلاقاو فموضوع اخر قريبا


Saturday, April 15, 2017

اضرار الشمس وكيفية الحمايه منها مع DAYLONG

اهلا و سهلا بنات

موضوعنا اليوم موضوع جدي بزاف ومهم, حيث اليوم مغديش نهدر فقط على منتج ولكن غدي نهدرو على موضوع يهمنا كلنا خصوصا مع بدايه هاد الفصل والشمس اللي بدات.
اكيد عرفتو علاش غنهدر , على الشمس واضرارها على بشرتنا,وكيفاش نحميو نفسنا منها وغنقدم لكم المنتج اللي كنستخدم .


*اول شي لازم نعرفوه هو ان الشمس رغم فوائدها الاانها تقدر تضر الجلد,الاشعه فوق بنفسجيه ضارة جدا بالجلد واللي تقدر تسبب اضطرابات خطيرة فيه.

*تعرضنا للشمس بدون وقايه يزيد نسبه ظهور علامات الشيخوخه المبكرة, مثل التجاعيد وغيرها.

*الشمس تقدر تعرضنا بسببها لخطر الاصابه بسرطان الجلد "عافانا الله واياكم منه" اللي هو يعتبر من اكثر انواع السرطان خطوره واللي فالغالب يؤدي للوفاة.

*ومن الاشياء اللي تقدر تصيب الجلد ديالنا بكثرة التعرض لها بدون حمايه :الحساسيه والتهيج ويمكن الجلد يتصاب بحروق,وبلا مانسى البقع الداكنه تصبغ الجلد او"الكلف".

اظن من بعد هاد المعلومات اي بنت معندهاش عذر تتعرض للشمس بدون حمايه,حافظي على بشرتك وصحتك.
انا عارفه بااللي الكثيرات مكيبغيوش واقي الشمس حيث كيرجع الوجه ذهني ويتلصق ولكن لا هدشي مبقاش,دبا كاينين منتجات اللي كتجي خفيفه على البشرة وكترطبها وكتحميها فنفس الوقت,ومن بين هاد المنتجات هو واقي الشمس اللي غنتكلم لكم عليه اليوم.

منتجي اليوم هو Daylong اللي كنستعملو هادي سنتين وعجبني بزاف,علاش؟ حيث كيف ما قلتلكم حتى انا من البنات اللي كنت اكره استخدام الواقي من الشمس حيث مكنحملش وجهي يكون ذهني ويتلصق.



Daylong يجي عبارة على حليب خفيف, القوام ديالو جاري شويه يسهل الاستخدام وحتى البشرة كتشربو دغيا وكتحسي وجهك مرطب مزيان ,وهو مناسب لجميع انواع البشرة وخصوصا البشرات اللي كتكون عندها حساسيه من التعرض للشمس,انا بشرتي مختلطه لذهنيه ووافقني المنتج واللي يصلاح تستعملوه حتى على جسمكم .
كيحميلي وجهي من الشمس وصراحه كنستعملو لايديا كذلك.



المنتج مضاد للماء وتقدري تستخدميه اثناء السباحه وكاين منه اصدار للاطفال كذلك.

 البنات خاص باش تعرفو فعالية اي واقي من الشمس وتستافدو من الحمايه خاص تحتارمو الاشياء اللي عنقولكم:
*اولا ضروري تستعمليه على وجهك قبل ماتتعرضي للشمس على الاقل ب 20 دقيقه,علاش؟ حيث خاص البشرة تتشربو مويان ويقدر يحميلك البشرة ديالك حتى ايلا تعرقتي حيث ملي كتشربو البشره صعيب يتمسح مع التعرق.
*ضروري اعادة استخدام واقي الشمس كل فترة على مدار اليوم.
*استخدمي واقي من الشمس مناسب لنوع البشرة ديالك.



وفقط هذا موضوعي لليوم
نتمنى يكون نال اعجابكم واستفدتو منه.
اي استفسار خليوه فالتعليق

Monday, April 3, 2017

منتجات أنهيتها - Mes produits finis♡




السلام عليكم ورحمة الله
مرحبا بنات
اليوم موضوع خاص بالمنتجات اللي انهيتها في الفترة الاخيرة
بلا مانهدرو بزاف ندخلو فالموضوع

غنبدا لكم بالعطور
اول عطر من مجموعة محاسن اللي نت وريتكم من فترة
هاد العطر من العطور العربيه,ريحته زوينه بزاف فواحه وتبقا لفترة طويله
غير تسالي اللي عندي غنرجع نشريه حيث يعجبني بزاف .


هاد العطر من افون حتى هو من العطور الزوينه اللي جربت من عندهم ثباته متوسط
مغنرجعش نشريه حاليا.


سبراي من فتوريا سكرت كيحمقني خفيف وغزال كنت كنستعمله غالبا فالبيت 
ثباته ضعيف دغيا كيمشي
مغنرجعش نشتريه.


جل دوش من ايف روشيه نفس مجموعة عطري المفضل من عندهم
معجبنيش بزاف جاتني الريحه مختلفه على العطر
مغنرجعش نشتريه


انهيت مزيلين مكياج
الاول من ايف روشيه اللي نصفه زيت والنصف الاخر ماء وتدمجيه
 زوين بزاف خصوصا لمكياج العين واخا منبغيش بزاف الزيت على الوجه ولكن هذا يستاهل نستحمله 

ثاني مزيل مكياج من دا بودي شوب سبق ونزلت عليه موضوع
ولكن  مغنرجعش نشريه حيث بالمقارنه مع الثمن والفعاليه كاين منتجات احسن


الزيت الاساسي للخزامى كيعجبني بزااف يرخي الاعصاب وكيخلي ريحه زوينه فالبيت


هاد الشمبوان كتشوفوه دائما ههه منحتاجش نتكلم عليه 


كريم للوجه من غارنييه
كان كيعجبني فالاول ولن مع الاستعمال رجعت نحس بيه كيرجعلي وجهي عامر بدهوان فلازون T والمناطق اللي تحتاج ترطيب كتبقا جافه.
مغديش نرجع نشريه اكيد


صابون اسود او صابون بلدي
عادي جدا كيف اي صابون مفيهش اي حاجه مميزه


اخر منتج هو كريم للجسم من بات اند دابودي وركس
ريحته خياليه زوينه بزاف, والترطيب مزيان 
غنرجع نشري من هاد الماركه ماشي ضروري نفس الريحه .


منتجين اول واحد كريم للترطيب زوين بزاف استعملته ثلاث مرات وحسيت بيه يرطب مزيان
ثاني منتج هو باتش للنف لازالة الرؤوس السوداء مابيهش ينضف ولكن ميحيدش 100% الرؤوس السوداء


لهنا موضوعي انتهى نتمنى يون اعجبكم
الى اللقاء
Related Posts Plugin for WordPress, Blogger...