Tuesday, January 3, 2017

روتين العناية باليدين والاظافر♡

السلام عليكم فتيات

اليوم جيتكم بموضوع جديد وهو  اللي غيكون عبارة عن روتيني للعناية بالايدين.
بيني وبينكم مكنديرش شيحاجه اللي هي صعبه او منتجات مكينينش
المنتجات كلهم كتلقايهم فكل البيوت ومتوفرين للجميع.

بغيت نوريكم اول حاجه كنديرهاواللي هي التقشير(هاد الخطوات كلها كنديرها اثناء الاستحمام)
التقشير كنستعمل القهوه(تخت القهوه) وكندير معاه القليل من زيت الزيتون وكنضيف له احيانا عصير الليمون ولكن هنا غنستعمل الليمون فوصفه اخرى
كنخلط القهوه والزيتون كناخدهم كندير بيهم مساج لليدين وحتى الرجلين من بعد كنغسلهم عادي.


الوصفه الثانيه اللي كنديرها على قبل التبييض سواءا للاظافر او للايدين ولكن ايلا يديك حساسين ماتديريهاش.
كندير شوية بيكاربونات الصوديوم وكناخد ربع ليمونه وكنغمسها فالبيكاربونات ثم كنحكها لايدي والاظافر من بعد كناخد هديك الفرشه الخاصه بالاظافر وكنحك بيها اظافري مزيان نفس الشيء كنديرو للرجلين.
نعاود نقولكم ايلابشرتك حساسه ماتديريهاش انا عن نفسي يدي كيرجع لونهم احمر شوية حيث كتحرقني ولكن غيركنغسلهم كيبردو واه ماتخليش الخليط فايديكم بزاف.



الحاجه الاخيرة اللي كندير ولكن ايلا كنت درت الوصفه اللي فاتت فمكنحتاجهاش
اللي هي معجون الاسنان وفرشة الاظافر  وكنحك اظافري مزيان كيبياضو وكيتنقاو مزيان.



طبعا من بعد هاد الوصفات لازم الترطيب ثم الترطيب.
ومع هاد البردحاولو كلما لمستو الماء ترطبو الايدين واكيد من بعد الشقاء ديال المطبخ الترطيب بهاكا غيبقاو الايدين رطبين نقيين ومشرقين.
نتمنى موضوعي يكون نال اعجابكم



1 comment:

Related Posts Plugin for WordPress, Blogger...