Thursday, December 26, 2013

La beauté chez : Zayna Box

السلام عليكم ورحمة الله وبركاته
كيف راكم بنوتآت؟
ان شاء الله تكونو بخير
اليوم غدي نهدرليكم على حاجه زوينه نكملو بيها سنة 2013
اكيد كلكم سمعتو ب Zayna Box 
اليوم انا توصلت بالبوكس الخاص بيا قبل بدأ الآرسال ديالهم اللي هو غيكون غدا 27 دجنبر
البوكس كتوصلو بيه فحقيبه  Trousse زوينه بزاف ذهبية
نبداو نشوفو الصور والتفاصيل منخليكمش تستناو اكثر



الحقيبه زووينه بزاف صالحه تستعمليها وتحمل فالـ sac تجمعي فيها المستحضرات اليوميه
الثمن : 30Dhs


ترااااا
المحتوى عباره عن 5 منتجات full size + 1 Testeur



-Aloe vera polisher (60ml):
علاج للشعر بالآلوفيرا وكيعطي شكل جميل للشعر وكيخلي الشعر ناعم و لامع , اول مره غدي نجربه .
ثمنه : 45 Dhs


-Spray Strawberries & Champagne (50 ml):
هذا عندي بحاله ريحته قويه شويه فالآول منين كديريه ولكن غير كتبرد كتولي الريحه زوينه.. 
ثمنه : 32 Dhs


-Backstage Pass collection 948 Platinum reccord :
 طلاء أظافر زوووين عجبني بزاف صراحة
الثمن : 20 Dhs



-Vernis à ongle High speed 08 Hot pink Frenzy:
طلآء أظافر من ميلاني اول طلاء اظافر من هاد المجموعه مازال ما جربته لونه فوشيه
 زوين بزااف 
الثمن : 45 Dhs



-Milani Body Glow 02 (26g)  :
اضاءه للجسم زوووووين من اكثر الآشيا اللي راقت لي فهاد البوكس
فيه لمعات زوينه بزاف .. ان شاء الله دبا نوريكم سواتش ليه .. فكرت ااني نقدر نستعمله
 حتى كاضاءه على الخد .. نجربها ونقولكم .
الثمن : 49 Dhs


وفي الآخير أحمرشفاه Rouge à lévre
من ديبورا لونه برتقالي زوين معنديش بحاله هذا الآول من نوعه فمجموعتي هه

وصلنا لاخر الموضوع ديال اليوم
البوكس عجبني بزاف بزاف
اول مره بوكس من غير échantillons
والمنتجات كلها زوينه وكلها غدي نستعملها يعني ماشي غير غدي نحطها وصافي
كنظن بالمقارنه مع الثمن ديال البوكس اللي هو 159 والتوصيل بالمجان
واثمنه ديال المنتجات فهو أكيد يستاهل الثمن دياله

قولولي الرأي ديالكم؟
وملي توصلو بالبوكس ديالكم شاركونا بالصور

في أمآن الله

4 comments:

Related Posts Plugin for WordPress, Blogger...