كيف انظف فرش مكياجي؟ - Comment Nettoyer les Pinceaux de Maquillage

السلام عليكم ورحمة الله وبركاته

كيف راكم بنوتآت؟
ان شاء الله تكونو بخخير

اليوم غدي نوريكم كيفيه تنظيف الفرش
ولكن قبل بغيت نوضح انه انا مبتدئه فعالم المكياج ديكشي علاش
معنديش عدد كبير ديال الفرش يعني تقريبا عندي غير الآساسيات 
وهما اللي كنستخدمهم 

نجيو للتنظيف بالنسبه للبنات اللي كيستخدمو الفرش يوميا يعني الي كيكونو كيخدمو او
كيقراو بالتالي كيكون استخدام يومي ينصح انهم يغسلو الفرش نهايه كل اسبوع
انا من فتره لفتره كنغسلهم هه ماشي كل اسبوع حتى كنكون مساليه هه

بالنسبه لطريقة استخدامي انا 
كنظفهم بغسول الوجه ديالي هه
تقدو تستعملو  شامبو جونسون للاطفال 
وكاينين حتى مواد خاصه بتنظيف الفرش ولكن انا هادشي الي كنستخدم هه
نبداو على بركة الله

اولآ خدي الفرشه وحطيها تحت الماء حتى تفزق شويه

من بعد خدي الغسول او الشامبو وحطيه فراحة يدك

وجيبي الفرشه وبداي كتغسليها بطريقة انكي كتمرريها على الغسول

وكتبقاي كتحركيها فكل الآتجاهات

كيفما كتلاحظي بدا كيخرج منها المستحضرات اللي فيها كلها

ومن بعد كتغسليها تحت الماء مزيات بحيث ميبقاش فيها لا غسول ولا المستحضر يعني نظفيها مزيان

ومن بعد كتحطيهم على منشفه ولا ورق

 .  وتخليهم ينشفوو

وحاولي منين تحطيهم يكونو مرفوعين من جهة العصا او اليد باش مينزلش ليها الما

ويضيعها

وبسس
لهنا ساليت موضوعي اليوم نتمنى تكونو استفدتو شويه 
طريقتي بسيطه وبالغالب الكل كيستعمل نفس الطريقه

ENJOY GIRLS