Friday, March 10, 2017

Christian Breton منتجات العناية بالعين والرموش ♡

السلام عليكم ورحمة الله وبركاته

مرحبا بنات
من فترة ليست بقصيرة كنت قدمت لكم منتجات توصلت بها من ما ركه فرنسيه وكنت قدمت تفاصيل اكثر عليها هنا
اليوم من بعد فترة وانا نجرب هاد المنتجات وقدرت نكون عليهم فكرة بغيت نقولكم رأيي فيهم





منتجنا الاول هو عبارة عن منتج للعنايه بالرموش , المنتج المفروض يطول ويكثف الرموش.
المنتج كيجي كمسكارا لونها ابيض والفرشه ديالها كبيرة نوعا ما فيها 5 غرام.




المنتج تقدري تستعمليه تحت المسكارا ديالك فالصباح او بالليل قبل ما تنعسي,انا نستعمله قبل النوم غالبا وحتى قبل المسكارا كيعطي اساس زوين للرموش.
المنتج رائع لاحظت الفرق فيه من بعد اقل من شهر من الاستخدام رموشي رجعت اطول واكثف, وخصوصا الرموش السفليه اللي اصلا عندي قصيرة وخفيفه.
عجبني المنتج وكيدير العمل دياله وكنصحكم تجربوه.





ثاني المنتجات هو سيروم لمحيط العين اللي المفروض ينقص التجاعيد بنسبة 52 من التجاعيد خلال 28 يوم من الاستخدام
السيروم كيتكون من البروتينات الشبيهه بسم الافعى,الكفيار و الكولاجين.


السيروم كيجي على شكل علبه زجاجيه فيها 10مل فرأسها عبارة عن كرة حديديه صغيرة "رول اون" اللي بها كتستعملي الماده فمحيط العين.
منين كتستعمليها كتحسي بواحد البروده زوينه اللي تجيب الانتعاش لهداك المكان,وهديك الكرة كتسمح انها تدير مساج خفيف للمنطقه, محيط العين كيكون عندي جاف فغالب الاحيان ولكن منين بديت نستعمل هاد السيروم رجع مترطب ومبقاش مشكل الجفاف.
بالنسبه للتجاعيد كنعاني من تجاعيد صغيرة ديال التعبير, بصراحه ملاحظتش اي تغيير فيها واخا استعملت السيروم لمده طويله.
قريت المنشور اللي كان مع المنتج والمكتوب ان النتائج مؤقته فقط.
المنتج خاص يبقا فالثلاجه انا للاسف مكنديروش فالثلاجه.




المنتجات تلقاوها فموقع الماركه هنا

نتمنى يكون موضوعي اعجبكم

3 comments:

  1. شكرااااااااا الماسكارا شحال الثمن ديالها و فين كتباع ayat

    ReplyDelete
    Replies

    1. حبيبتي تلقايها فموقعهم راه خليته فالموضوع وغتلقاي السعر ديالها فالموقع

      شكرا على المرور

      Delete
  2. Merciiii bcp 3jbatni mascara ncha2lah nakhodha wa njarabha ��������

    ReplyDelete

Related Posts Plugin for WordPress, Blogger...