Favoris Novembre - مفضلاتي لشهر نونبر

السلام عليكم ورحمة الله وبركاته

متأخره قليلا ولكن المهم جيتكم بمفضلاتي لشهر نونبر او ممكن تقولو مفضلاتي بالآشهر الآخيره

حيث لي فتره منزلتش مفضلاتي

♥حاولت نوريكم اكثر الاشياء او المنتجات اللي راقت لي بهاد الفتره

نخليكم مع الصور والتفاصيل

-Facial exfoliating scrub : Freeman

مقشر للوجه من فريمان زوين بزاااف .. كينظف البشره من الخلايا الميته وريحته زوينه بزااف .. طبعا عجبني بزاف

-Beurre de soin : Palmer's

ريحتها كتحممممق♥ .. استعملتها على البشره ديالي فهاد الفتره وعجبتني كتخلي البشره رطبه و الريحه زوينه بزااف

وفوق هادشي عتدها عدة استعمالات

-Fond de teint Confort Lift : Deborah

كريم اساس من ديبورا .. زوين بزااف .. كيخفي العيوب بطريقه كيبقا الوجه
طبيعي ومشرق

-Perfecting Face primer : Oriflame

برايمر اوريفلام فمفضلاتي هاد الشهرميزته يثبت المكياج لمده اطول و كيرطب البشره

-Colossal Volume Express 100%Black : Maybelline

ماسكرا من ميبلين .. كتعجبني كتعطي طول وحجم للرموش وفنفس الوقت كتعطي مظهر طبيعي صالح لكل يوم

كنستخدمها يوميا

-Eye Tech Extreme liquid eye liner : Milani

عندي حب شديد لهاد الماركه ولمنتجاتها ♥♥ ههه وهاد المنتج اللي هو قلم اي لاينر زوين بزااف اولا لونه اسوود ثانيا 

سهل الآستخدام وكتحكمي فيه بسهوله وراسه رقيق كيساعدك ترسمي الشكل بدقه

-Jordana

قلم كحل من جوردانا .. ميزته لونه اسود كنستعمله غالبا باش نكحل الجفن العلوي ولكن كيعجبني حتى ملي كنكحل عيني كلها

-Baked Blush : Dolce pink Milani

هاد الشيء جممممميل جدا .. كيعطي لون زوين على الوجه و اللمعات اللي فيه زوينه بزاااف

المهم AM IN L♥VE

-Natural Effect Blush : 01chocolate-Deborah milano

بلاش او احمر خدود من ديبورا لونه غامق شويه .. كيعجبني نستعمله كبرونزر لتحديد عضمة الخد

وفعلا كيقوم بهاد الدور هه

-Easyshine :04 Raspberry Jordana

كريمي ولونه زوين بزاف .. 

-Eyebrow kit : Oriflame

عدة لتحديد الحواجب .. اللي زوين فيها الآلوان مناسبه لحواجبي .. وفيها 2 شادوز و جل كيخلي الحواجب ثابته

-Eos Lipbalm :Sweet mint

الشي الوحيد اللي نقولكم ان هآد الشيء الصغير يستحق الضجه الكبيره اللي عليه

خاصكم تجربوه روووعه

-La vie est belle : Lancôme

عطري المفضل فهاد الفتره .. مكنعرفش نوصف العطور ولكن فعلا عطر مميز

-Deborah shine tech 17

سبق ونزلته هنا

في ما يخص طلاء الآظافر بصراحه انا من عشاق هاد الآشياء هه لذلك فالغالب مفضلتي كبيره هه

ولكن انا اخترت واحد اللي عجبني بزااف هو هذا

-Dop : douche Créme Cramel

يم يم .. شي خرافي هاد الكراميل ههه ريحته كتشهي وكتفكر فالطفوله نيشان 

واللي كيعجبني انه من بعد الحمام كتبقا الريحه فالجسم 

ياااااي ساليت موضوعي لليوم
مفضلاتي بزاف هاد الفتره هه يمكن حيث مده طويله منزلتش مفضلات فتراكمو  هه
اتمنى موضوعي راق لكم
♥♥