Friday, February 17, 2017

كريم طبيعي بالتين الشوكي من Sidki Cosmetics♡

السلام عليكم حبيباتي
اليوم جيتكم برفيو جديد عن ماركه طبيعية %100
الماركه كتقدم مجموعة منتجات طبيعية منها كريمات وزيوت متنوعه
انا اليوم غنتكلم على كريم طبيعي 
الكريم المكون الاساسي ديالو هو الهنديه او التين الشوكي



كيف ماهو مكتوب على العلبه الكريم لإعادة هيكلة البشرة و مكافحة الشيخوخة يعمل على تجديد الجلد,كيرطب البشرة ويغذيها.



الكريم كيجي فعلبه دائريه ديال البلاستيك
الماده بحد داتها كريميه ولكن ثقيله , الرائحه مقبوله ماشي زوينه ولا خايبه ولكن عاديه يعني مقبوله,القوام ديال الكريم سهل استخدامه حيث دغيا تفرد على الوجه وكيدخل فالبشره مزيان.
الترطيب عالي جدا يعني الكريم صالح للبشرة الجافه حيث كيرطبها من الاعماق, ولكن ايلا انت بشرتك ذهنيه بزاف مكنصحكش بيه.
اما بالنسبالي بشرتي مختلطه لجافه فهاد الاوقات البارده. ناسبني الكريم بزاف ووجهي كيبقا رطب وكنحس بيه مشرق اكثر.
كنستعمله فالليل قبل النوم وكيبقا مرطب لصباح اليوم التالي.
العلبه فيها 80غرام يعني حجمها كبير وكافي لمده طويله.


الكريم تقدري تستعمليه بالليل او النهار


عجبني المنتج بزاف وكنصحم بيه وخصوصا ايلاكنتو كتقلبو على كريم بمكونات طبيعيه.
الثمن ديال الكريم 25dh
تقدرو تلقاوه فالموقع ديال الماركه هنا
او بنات الدار البيضاء عندهم محل في قيساريه عقبه ابن النافع شارع ابن تاشفين قرب محطة الترامواي ابن تاشفين.

بنات ايلا جربتو شيحاجه من الماركه متنساوش تقولولي رأيكم


3 comments:

Related Posts Plugin for WordPress, Blogger...