أسهل طريقة لتنظيف الفرش Palmat de Practk ♡

السلام عليكم البنات
مرحبا بيكم مجددا على المدونه
اليوم غدي نقدم لكم واحد الاداة زوينه ومفيده بزاف
هاد الاداة توصلت بيها من واحدالموقع امريكي

دايرة بحال الاداة اللي كانت دارتها سيجما باش كتساعدك فغسل الفرش ديال المكياج

الاداة مصنوعة من السيليكون

فيها مجموعة من الاشكال على السطح ديالها اللي كتساعدك باش تتخلصي من الاوساخ اللي فالفرش ديالك

هذا هو الشكل ديال الاداة

كتفتح باش كتقدري تستعمليها بطريقتين

الطريقة الاولى كتديريها فيدك وكتزيريها على حسب الحجم ديال اليد ديالك

الطريقة الثانيه هي انكي كتفتحيها وكتبثيها فالمغسله "لافابو" عن طريق هادوك المصاصه ديال الهواء ventouse

اللي كاينين فالخلف كيفما كتشوفو فالصور

هنا الطريقة اللي كنديروها فاليد ومن بعد ما كتبللي الفرشه بالماء ديري القليل من الغسول اللي كتغسلي بيه الفرش فالعاده على الاداة ديالك وكتبداي فرك الفرش على الاداة بطريقة دائريه 

من بعد ماتحسي انالفرش تفركو مزيان كتغسليهم بالماء وتأكدي ان مبقا فيهم لا صابون لا والو.

وقفين فوق فوطه او اوراق نشافه بحيث يكون الرأس ديالهم للاسفل باش الماء كينزل ومكيرجعش لنا داخل الفرش.

هاد الاداة زوينه بزاف وسهله الاستخدام وبصراحه سهلات عليا تنظيف الفرض اللي كان كياخد مده .

نتمنى الموضوع يكون نال اعجابكم

واخدتو فكرة طريقة اسهل لتنظيف الفرش

نشوفكم فموضوع جديد ان شاءالله