Thursday, August 13, 2015

جهاز العروس♡



السلام وعليكم و رحمة الله وبركاته




اليوم موضوعي مختلف شويه كيف ماكتشوففو العنوان اليوم غدي نهدر لكم على جهاز العروسه
وخصوصا اننا في فترة اعراس والبنوتات المقبلات على الزواج كيستعدو واول حاجه كيبداو بيها هي التجهيزات اللي خاصهم يشريوها واللي كتكون متكامله من ملاباس مستحضرات عنايه و مكياج...
غنبداو باول شي
ملابس البيت
خاصك تاخدي تقريبا من كل شي واكيد الاشياء اللي غدي تلبسيها ماشي غير تشري وانتي مغديش تلبسيها
غدي تاخدي بيجامات مختلفه اللي كتكون طويله بلا سروال
بيجامات بسروال
وبيجامات اللي كتكون بشورت
بيجامات صغيره اللي هي شورت قصير 
ومتنسايش بيجامات اللي كتكون بثلاثة قطع القطعه الثالثه كتكون بينوار"روب"

الفوط
بالفوط اكيد غتاخدي الخاصه بالجسم والنوع المفضل عندك
فوط خاصه بالشعر والفوط الصغيره الي كتستعمل لنجفيف المنطقه الحساسه
فوط ديال اليدين

الملابس الداخليه

اطقم اللي كنكون من جوج قطع "دو بييس"
السليبات وخاولي تنوعي مابين القطنيه والانواع الاحرى واختاري الوان زوينين ويكون فيهم الدونتيل والستان
ستيانات او حمالات صدر منفرده
طبعا مكنحددش لكم الالوان او الاشكال حيث كل وحده عندها مفضلاتها من حيث الالوان والاشكال واللي موجوده بزاف ومختلفه.
-الانجري واللي الاغلب كيفضلو يكون واحد ابيض وبالبينوار ديالو
و2 اخرين بالوان حاولي انها تكون مفضله عند الزوج ديالك والشكل ديال كل وحده يكون مختلف ومميز باش يكون شويه ديال التنويع.
-الملابس القطنيه خودي 2 اللي كيكونو شورت و صوفيطما و 2 اللي كيكونو سروال وتريكو.
-البروطيج اللي كيكونو عباره عن ثوب قطني غدي نحناجيهم خصوصا فالايام الاولى من بعد العرس مزيانين كيحافظو على المنطقه الحساسه من البرد وقطنيين بالتالي مكيديرو حساسيه او اي شي.


ملابس الخروج

طبعا هنا كل وحده كتشري الاشياء اللي كتفضلها فالعاده غير خاص يكونو بالوان فاتحه وزوينه تناسبك.

الملابس التقليديه

-الجلالب كنفضل العروسه تلبس جلابه بيضا او بييج
و جلابه اخرى باي لون اللي يكون مشرق وزوين واكيد يلائم لون بشرتك.
-قميص او فراشه يكونو خفاف يتلبسو غير فالدار او ايلا كانو عندك ناسك.
-قفطان او 2 على حسب اللي غتحتاجيه واحد يكون مرصع او كيف كنقولو منبث "الموضه ديال دبا"
والاخر يكون باي خياطه نتي كتفضليها
-التكشيطه من الاحسن متخيطيش بزاف يعني وحده كافيه وخصوصا انه الموضه ديالهم فتغير مستمر وكل عام كيكون جديد وبالتالي مكتلبسيش فيهم بزاف فحين انه كيتقامو غاليين.
-بليغات و شرابل.

الشعر
الباندات والفيليلات ..
زيوت الشعر لي كتستعملي فالعاده

المكياج
غتاخدي الاساسيات يعني متكتريش بزاف وخصوصا ايلا كان عندك فالاصل مجموعه كبيره-
-كريم اساس--بودره--مخفي الهالات--احمر خدود--احمر الشفاه و مرطب للشفاه بلون واخر يكون بدون لون واقلام تحديد الشفاه.--مسكرا واكيد تقدرورتاخدو 2 وحده عاديه والاخرى واتربروف--طلاء االاظافر اكيد خاصكم تاخدو عدة الوان واهمها الاحمر والطلاء الخاص بالفرينش--بودره للحواجب او قلم او جل انتم وشنو كتفضلو تستعملو-ايلاينر وعندكم الاختيار بين جل او قلم او ليكيد ايلاينر,ايلا كنتو مبتدئات تقدرو تاخدو لي على كل قلم اسهل فالاستخدام--علبه لظلال الجفون بالوان متنوعه--ايلا بغيتو تزيدو برونزر و هايلايتر--عاقصه الرموش--فرش المكياج حاولي تاخدي مجموعه لي يكون فيها تقريبا جميع الفرش لي غدي تحتاجي.-قلم كحل اسودوابيض و الوان اخرى ايلا كتستخدميها.-عطور متنوعه.-مزيل مكياج-قطن دائري - لانجيت او المناديل المبلله -مزيل للمكياج -غسول للوجه -مقشر وماسك للوجه-كريم مرطب للوجه واخر للعين- كريمات مرطبه للجسم بروائح مختلفه - طالك -رموش اصطناعيه - واقي من الشمس -حقائب مكياج وحده صغيره للمكياح لي غدي يكون فالساك و اخرى كبيره باش يكون فيها البقيه ولكن انا كنفضل يكونو جوج وحده يكونو فيها منتجات العنايه والاخرى للمكياج-كريم خاص باليدين واخر للرجلين . 

لوازم الحمام
الشمبوان- البلسم- الماسك -جل دوش -صابونات- الكيسه او الليفه -الصابون البلدي -والغاسول- شفرات الحلاقه-مقشر للجسم-مقشر للارجل -الحكاكه ديال الرجلين-حقيبه خاصه بلوازم الحمام


وفالاخير اهم حاجه زاللي خاص تبداي بيها هي حقائب السفر لي غتجمعي فيهم هاد الجهاز ديالك كله من الافضل تاخدي مجموعه لي كنكوم مكونه من جوج حتى لاربعه حقائب مختلفة الاحجام

حاولت نذكر كلشي لي خاص يكون فالجهاز الخاص بالعروسه
نتمنى تستافدو من الموضوع

4 comments:

  1. Wooow! Beautiful post my dear!!! My new post on the blog!!! http://blondelafemme.blogspot.ru/2015/09/all-colors-of-autumn-at-sammydress.html please write a comment! Thank you so much!!! ))

    ReplyDelete
  2. Wooow! Beautiful post my dear!!! My new post on the blog!!! http://blondelafemme.blogspot.ru/2015/09/magical-day.html please write a comment! Thank you so much!!! ))

    ReplyDelete

Related Posts Plugin for WordPress, Blogger...