السلام عليكم بنات
رجعنا للمدونه ومع اول موضوع في السنه الجديده
اللي غنتكلم لكم فيه عن احمر الشفاه من ماركتي المفضله ميلاني
عندي 2 احمر شفاه من المجموعة المات او الغير لامعه
COLOR STATEMENT MOISTURE MATTE LIPSTICK
Matte Iconic - Matte Blissful
واحمر شفاه من المجموعة الكريميه
COLOR STATEMENT LIPSTICK
"Best Red"
اللونين المات او غير اللامعين هما Matte Iconic - Matte Blissful
واضح من اساميهم انهم مات
اللونين واضحين من اول كوش طبقة على الشفاه
الماده ديالهم رغم انها مات ولكن مكتخليش الشفاه جافين وتبين الجفاف وتدخل فهادوك الاماكن الجافه لابالعكس اللون كيمشي على الشفاه كلهم بطريقة متساويه,ترطيبهم زوين بزاااف عكس باقي الارواج المات.
كيفما كتسوفو اللون الاول لون وردي زوين بزاف والثاني هو لون احمر جميل جدا
اللون الكريمي هو احمر كذلك زوين ومرطب للشفاه وكيبان انه كريمي تركيبته غنيه بفيتامين A و D
اللي كتخلي الشفاه تكون مرطبه.
على العموم هاد احمر الشفاه كيبقا من 3الى 4 ساعات على الشفاه.
حتى منين كيبدا يتمسح مكيرجعش شكله مزعج كيف بعض الارواج اللي كتمسح من الجهه الداخليه للشفاه وتبقا على الجوانب سايحه
لا اللون كيخفاف من على الشفاه بالتدريج وكيخلي لون خفيف على الشفاه
بالنسبة للتعليب زوين بزاف
لونه ذهبي وعليه اسم الماركه وفالاسفل كيجي لون احمر الشفاه الشيء اللي كيسهل التخزين ديالهم ومتضطريش تفتحي كل احمر شفاه باش تشوفي اي لون
العيب ديالهم كيتوسخو يعني كيبانو فيهم بصمات اليد ههه ولكن سهل مسحهم.
فالسواتش واضح اللونين المات واللون الكريمي
المجموعه كبيرة جدا وفيها الوان كثيرة كتلائم جميع الوان البشرة المختلفه
الصراحه ايلا جربتوهم معتندموش بالعكس غدي كل مرة تزيدو تكبرو مجموعتكم منهم
عن نفسي غدي نزيد نكبر مجموعتي حيث عجبوني بزاف
كيف قلتلكم ماركة ميلاني تلقاوها ف كل فيرجين ميجا ستور مراكش- الرباط -الدار البيضاء و فاس
نتمنى الموضوع يكون راق لكم
